'8ஆவது ஊதியக் குழு நிலுவைத் தொகையை வழங்குக'

விழுப்புரம்: எட்டாவது ஊதியக் குழு நிலுவைத் தொகையை வழங்கிட வேண்டும் உள்ளிட்ட 15 அம்ச கோரிக்கைகளை வலியுறுத்தி தமிழ்நாடு அரசுப் பணியாளர் சங்கத்தினர் விழுப்புரத்தில் இன்று வண்ண சட்டை அணிந்து நூதன போராட்டத்தில் ஈடுபட்டனர்.

தமிழ்நாடு அரசுப் பணியாளர் சங்கத்தினர் இன்று விழுப்புரம் மாவட்ட ஆட்சியர் அலுவலகம் எதிரில் 15 அம்ச கோரிக்கைகளை வலியுறுத்தி ஆர்ப்பாட்டம் நடத்தினர். ஆர்ப்பாட்டத்தின்போது அவர்கள் முழங்கிய கோரிக்கைகள்:

• எட்டாவது ஊதியக் குழு நிலுவைத் தொகையை வழங்கிட வேண்டும்.
• புதிய ஓய்வூதியத் திட்டத்தை ரத்து செய்ய வேண்டும்.
• மத்திய அரசு பணியாளர்களுக்கு இணையான சலுகைகளை வழங்கிட வேண்டும்.
• பொது விநியோகத் திட்டத்துக்கென தனித் துறையை உருவாக்க வேண்டும்.
• டாஸ்மாக் பணியாளர்களை பணி நிரந்தரம் செய்து காலமுறை ஊதியம் வழங்கிட வேண்டும்.
• அனைத்து துறைகளிலும் உள்ள காலிப்பணியிடங்களை முழுமையாக உடனடியாக நிரப்பிட வேண்டும்.
• பணி நியமனம், பணியிட மாறுதல், பதவி உயர்வு ஆகியவற்றில் உள்ள முறைகேடுகளைக் களைய வேண்டும்

தமிழ்நாடு அரசுப் பணியாளர் சங்கத்தின் மாநில துணைத் தலைவர் சிவக்குமார் தலைமையில் நடைபெற்ற இந்தப் போராட்டத்தில் 100-க்கும் மேற்பட்டவர்கள் கலந்துகொண்டனர்.