தமிழ்நாட்டில் நாங்குநேரி, விக்கிரவாண்டி தொகுதிகளுக்கான இடைத்தேர்தல் இன்று நடைபெற்றது. இதற்காக விழுப்புரம் மாவட்டம் விக்கிரவாண்டி தொகுதி முழுவதும் 275 வாக்குச்சாவடிகள் அமைக்கப்பட்டு வாக்குப்பதிவு நடைபெற்றது. இந்தப் பணியில் ஆயிரத்து 331 அரசு ஊழியர்கள் ஈடுபட்டனர். மாலை 5 மணி நிலவரப்படி விக்கிரவாண்டி தொகுதியில் 76.41 விழுக்காடு வாக்குகள் பதிவாகின.
இதைத்தொடர்ந்து மாலை 6 மணி அளவில் வாக்குப்பதிவு இயந்திரங்களுக்கு சீல் வைக்கும் பணி அனைத்து அரசியல் கட்சி நிர்வாகிகள் முன்னிலையில் நடைபெற்றது. சீல் வைக்கப்பட்ட வாக்குப்பதிவு இயந்திரங்கள் பலத்த காவல் துறையினர் பாதுகாப்புடன் கொண்டுசெல்லப்பட்டு வாக்கு எண்ணும் மையமான திருச்சி - சென்னை தேசிய நெடுஞ்சாலையில் அமைந்துள்ள தனியார் கல்லூரி வளாகத்தில் வைக்கப்பட்டுள்ளது.
சீல் வைத்து எடுத்துச் செல்லப்பட்ட வாக்குப்பதிவு இயந்திரங்கள்