டெல்லியிலுள்ள படேல் நகரைச் சேர்ந்தவர் அருண் ( பெயர் மாற்றப்பட்டுள்ளது). சமையல் கலை படிப்பை முடித்திருந்த இவர், கடந்த மாதம் புதுவைக்கு வேலை தேடி வந்திருந்தார். ஆனால், அவர் நினைத்தபடி வேலை எதுவும் கிடைக்காததால் கையில் பணமின்றி தவித்து வந்துள்ளார். இதைத்தொடர்ந்து அரசு ஊரடங்கு உத்தரவைப் பிறப்பித்ததால் எங்கும் செல்ல முடியாமல் விழுப்புரத்தில் சுற்றித் திரிந்துள்ளார்.
இதற்கிடையே இவருக்கு திடீரென்று உடல்நலம் பாதிக்கப்பட்டுள்ளது. இதையடுத்து இவரை மீட்ட காவல் துறையினர் விழுப்புரம் கரோனா தடுப்பு சிகிச்சை சிறப்பு மருத்துவமனையில் அனுமதித்திருந்தனர். பரிசோதனை செய்ததில் அவருக்கு கரோனா தொற்று இல்லை என்று கூறி சுகாதாரத் துறை அலுவலர்கள் கடந்த வாரம் செவ்வாய்க்கிழமை அவரை விடுவித்தனர்.