விழுப்புரம் மாவட்டத்தைச் சேர்ந்த எழுத்தாளரும் வரலாற்று ஆர்வலருமான கோ.செங்குட்டுவன், எண்ணாயிரம் கிராமத்தில் கள ஆய்வு செய்த போது, மிகவும் பழமை வாய்ந்த தட்சிணாமூர்த்தி சிலையை கண்டறிந்தார். இதுகுறித்து அவர் கூறியதாவது, "எண்ணாயிரம் கிராமத்தில் சோழர் காலத்தைச் சேர்ந்த அழகிய நரசிங்கப் பெருமாள் கோயில் அமைந்துள்ளது. இப்பகுதியில் முதலாம் ராஜேந்திரன் காலத்தில் மிகப் பெரிய வேதக் கல்லூரி ஒன்று இயங்கி வந்தது, கள ஆய்வில் தெரியவந்தது.
அதுமட்டுமின்றி இப்பகுதியில் சிறப்பு வாய்ந்த தட்சிணாமூர்த்தி மூர்த்தி குளம் அமைந்துள்ளது. இப்பகுதியில் ஆய்வு மேற்கண்ட பொழுது, விளை நிலங்களுக்கு நடுவே புதர்களில் மண்டியிருக்கும் திட்டு போன்ற பகுதியில் தட்சிணாமூர்த்தி சிற்பம் வீராசனத்தில் அமர்ந்திருக்கிறார். தட்சிணாமூர்த்தி, நான்கு கரங்களுடனும் தலை அலங்காரத்துடனும் காட்சி அளிக்கிறார்.