நாடு முழுவதும் குழந்தைகளுக்கு ஊட்டச்சத்தான உணவுகள் வழங்கப்படுவதை உறுதி செய்வதற்காக மத்திய அரசு போஷன் அபியான் திட்டத்தை செயல்படுத்துகிறது. இத்திட்டத்தின் மூலம் மாநிலங்களிலுள்ள ஒருங்கிணைந்த குழந்தைகள் வளர்ச்சி துறை மூலம் அங்கன்வாடி பணியாளர்களைக் கொண்டு குழந்தைகளுக்கு ஊட்டச்சத்து உணவுகள் வழங்குவதற்காக விழிப்புணர்வு ஏற்படுத்தப்பட்டு வருகிறது.
அந்த வகையில் தற்போது தேசிய ஊட்டச்சத்து மாத விழா நடைபெற்று வருகிறது இதையொட்டி வேலூர் மாவட்டத்தில் உள்ள மாவட்ட ஆட்சியர் அலுவலக வளாகத்தில் கடந்த இரண்டு வாரங்களாக அங்கன்வாடி பணியாளர்கள் தினந்தோறும் ஊட்டச்சத்து உணவுகளைத் தயார் செய்து காட்சிப்படுத்தி பொதுமக்களுக்கு விழிப்புணர்வை ஏற்படுத்தி வந்தனர்.
வேலூர் மாவட்ட ஆட்சியர் சண்முகசுந்தரம் தேசிய ஊட்டச்சத்து மாத விழா நிறைவு நிகழ்ச்சியில் பங்குபெற்றார்