வேலூர்:ராஜிவ் கொலை வழக்கில் குற்றம்சாட்டப்பட்டு கைது செய்யப்பட்டு 30 ஆண்டுகளுக்கும் மேலாக சிறை தண்டனை அனுபவித்து வருபவர், சாந்தன். இந்நிலையில் இவர் இன்று வேலூர் மத்திய சிறை துறை மூலம் தனது விடுதலை தொடர்பாக தமிழக ஆளுநருக்கு கடிதம் அனுப்பியுள்ளார். அதில் கடந்த 30 ஆண்டுகளுக்கு மேலாக சிறை வாழ்க்கை வாழ்ந்து வருவதாகவும், குடும்பத்தை பிரிந்தும், ஆசாபாசங்களை மறந்தும் சிறை வாழ்க்கை வாழ்ந்து வருவதாகவும் தெரிவித்தார்.
மேலும் அதில் அவர், குடும்பத்தோடு இணைந்து வாழ வாய்ப்பு ஏற்படுத்தும் வகையில் பொது மன்னிப்பு வழங்கி தன்னை விடுக்க வேண்டும் என அக்கடிதத்தில் குறிப்பிட்டதாக தகவல் வெளியாகியுள்ளது.