ஆம்பூர் தொகுதிக்குட்பட்ட பகுதியில் வாக்குப் பதிவு இயந்திரம் பழுது!

வேலூர்: ஆம்பூர் சட்டப்பேரவை தொகுதிக்குட்பட்ட குருவராஜபாளையம் வாக்குச்சாவடியில் இயந்திரம் செயல்படாததால் வாக்குப் பதிவு சிறிது நேரம் காலதாமதமானது.

வேலூர் மக்களவைத் தேர்தலுக்கான வாக்குப் பதிவு இன்று தீவிரமாக நடைபெற்று வருகிறது. இந்நிலையில் ஆம்பூர் சட்டப்பேரவை தொகுதிக்குட்பட்ட குருவராஜபாளையம் அரசு உயர்நிலைப்பள்ளியில் உள்ள வாக்குச்சாவடி எண் 219இல் இயந்திரம் பழுதானதால் சிறிது நேரம் வாக்குப் பதிவு நிறுத்தி வைக்கப்பட்டது.

இதுபற்றி தகவல் அறிந்த தேர்தல் அலுவலர்கள், உடனடியாக மாற்று வாக்குப் பதிவு இயந்திரத்தை வாக்குச்சாவடியில் பொருத்தினர். இதனால் வாக்குப் பதிவு நடைபெற சிறிது நேரம் காலதாமதமானது.