முன்னாள் பிரதமர் ராஜீவ்காந்தி கொலை வழக்கில் நளினி, அவரது கணவர் முருகன் உட்பட 7 பேர் 28 ஆண்டுகளாக சிறை தண்டனை அனுபவித்து வருகின்றனர். இதில், நளினி தனது மகள் திருமணத்திற்காக ஜூலை மாதம் 25ஆம் தேதி ஒரு மாத பரோலில் வெளியே வந்தார். அவர் தற்போது வேலூர் ரங்காபுரம் அடுத்த புலவர் நகர் பகுதியில் திராவிடர் கழக நிர்வாகி ஒருவர் வீட்டில் வசித்து வருகிறார்.
பாதுகாப்பிற்காக நளினி தங்கியுள்ள வீட்டை சுற்றிலும் துப்பாக்கி ஏந்திய காவல்துறையினர் நிறுத்தப்பட்டுள்ளனர். இந்நிலையில் நளினி வேலூர் மாவட்ட காவல் கண்காணிப்பாளரிடம் மனு ஒன்றை அளித்துள்ளார். அந்த மனுவில் அவர், "நான் 28 ஆண்டுகளாக சிறையில் இருந்து தற்போது பரோலில் வெளியே வருகிறேன். எனக்கு 54 வயது ஆகிறது. காஞ்சிபுரம் அத்தி வரதர் 40 ஆண்டுகளுக்கு ஒருமுறை அருள்பாலிக்கக் கூடியவர்.