வேலூரில் வெடித்த மர்மப் பொருள்? - நல்வாய்ப்பாக உயிர்பிழைத்த தம்பதி

வேலூர்: ஆற்காடு அருகே உள்ள சாய்பாபா நகர் குடியிருப்புப் பகுதியில் பயங்கர வெளி சத்தம் ஏற்பட்டதால் பரபரப்பு ஏற்பட்டது.

வேலூர் மாவட்டம் ஆற்காடு அருகே உள்ள சாய்பாபா நகர் குடியிருப்புப் பகுதியில் அரசு மருத்துவர் கீர்த்தி ராஜன் வசித்துவருகிறார். இவரது வீட்டில் இன்று அதிகாலை பயங்கர வெடி சத்தம் ஏற்பட்டுள்ளது.

இந்த வெடி விபத்தில் ஜன்னல்களும் கதவுகளும் பெயர்ந்துவந்ததோடு ஆங்காங்கே சுவர்களில் விரிசல்களும் ஏற்பட்டிருக்கிறது. அறையில் தூங்கிக் கொண்டிருந்த கீர்த்தி ராஜன் மற்றும் அவரது மனைவி எவ்வித காயங்களும் இன்றி நல்வாய்ப்பாக உயிர் தப்பினர்.

தகவல் அறிந்து சம்பவ இடத்திற்கு விரைந்த காவல் துறையினர் வெடிவிபத்து ஏற்பட்ட பகுதியை ஆய்வு செய்து தடயங்களை சேகரித்ததோடு, விபத்திற்கு காரணம் மர்மபொருள்தானா அல்லது வாயுக்கசிவாக இருக்குமா என்ற பல்வேறு கோணங்களில் விசாரணை மேற்கொண்டுவருகின்றனர்.