காட்பாடியில் துரைமுருகன் தொடர்ந்து பின்னடைவு

காட்பாடி தொகுதியில் ஐந்தாவது சுற்று முடிவுகள் வெளிவந்துள்ள நிலையில், திமுக வேட்பாளர் துரைமுருகன் தொடர்ந்து பின்னடைவில் உள்ளார்.

காட்பாடி தொகுதியில் போட்டியிட்ட திமுக பொதுச்செயலாளரும், வேட்பாளருமான துரைமுருகன் தொடர்ந்து பின்னடைவில் உள்ளார்.

காலை 11.30 மணி நிலவரப்படி அதிமுக வேட்பாளர் ராமுவைவிட சுமார் 3 ஆயிரம் வாக்குகளில் பின்னடைவில் இருக்கிறார். இத்தொகுதியில், நாம் தமிழர் கட்சி சார்பில் ச.திருக்குமரன், அமமுக சார்பில் ஏ.எஸ். ராஜா, மக்கள் நீதி மய்யம் கூட்டணி சார்பில் இந்திய ஜனநாயகக் கட்சியின் எம். சுதர்சன் ஆகியோர் போட்டியிட்டனர்.

துரைமுருகன்

11 முறை சட்டப்பேரவைத் தேர்தலில் போட்டியிட்ட திமுக சூப்பர் சீனியர் வேட்பாளர் துரைமுருகன், 9 முறை காட்பாடி தொகுதியில் போட்டியிட்டு 7 முறை வென்றுள்ளார். இம்முறை பத்தாவது முறையாக இத்தொகுதியில் அவர் போட்டியிட்டுள்ளார் என்பது குறிப்பிடத்தக்கது.