மாற்றுத்திறனாளி மாணவிக்கு ஸ்கூட்டர் வழங்கிய மாவட்ட ஆட்சியர்

வேலூர்: காட்பாடி அருகே மாற்றுத்திறனாளி மாணவி கல்லூரிக்குச் சென்றுவர மாவட்ட ஆட்சியர் சண்முகசுந்தரம் இருசக்கர வாகனத்தை வழங்கினார்.

வேலூர் மாவட்டம் காட்பாடி அடுத்த வன்றந்தாங்கல் பகுதியைச் சேர்ந்தவர் வெங்கடேசன். இவரது மகள் அர்ச்சனா அரசு கலைக் கல்லூரியில் முதலாம் ஆண்டு படித்து வருகிறார். மாற்றுத்திறனாளியான இவர் தனக்கு இருசக்கர வாகனம் கேட்டு மாவட்ட ஆட்சியர் அலுவலகத்தில் மனு அளித்திருந்தார். இதனையடுத்து மாவட்ட ஆட்சியர் சண்முகசுந்தரம் மாணவிக்கு இருசக்கர வாகனத்தை வழங்கியுள்ளார்.
இதையும் படிங்க: விதிமுறை மீறி பேனர் வைத்தால் கடும் நடவடிக்கை - வேலூர் ஆட்சியர் எச்சரிக்கை