வேலூர் மாநகராட்சிக்குள்பட்ட மக்கான் பகுதியில் இன்று (ஏப்ரல் 3) தேர்தல் நிலை கண்காணிப்புக் குழுவினர் வாகன சோதனையில் ஈடுபட்டிருந்தனர். அப்போது அவ்வழியே இருசக்கர வாகனத்தில் சென்ற அன்புராஜ் என்பவரை நிறுத்தி சோதனை செய்ததில் உரிய ஆவணமின்றி கொண்டுசெல்லப்பட்ட மூன்று லட்சத்து 29 ஆயிரத்து 715 ரூபாய் அவரிடமிருந்து பறிமுதல்செய்யப்பட்டது.
இதே போன்று இன்று (ஏப்ரல் 3) தேர்தல் பறக்கும் படையினர் வேலூர் ஆற்காடு சாலையில் உள்ள மாவட்ட நீதிமன்றம் அருகே வாகன சோதனையில் ஈடுபட்டிருந்தனர். அப்போது அவ்வழியே இருசக்கர வாகனத்தில் சென்ற பாஸ்கர் என்பவரை நிறுத்தி சோதனை செய்ததில் உரிய ஆவணமின்றி கொண்டுசெல்லப்பட்ட ஏழு லட்சத்து 83 ஆயிரத்து 513 ரூபாய் அவரிடமிருந்து பறிமுதல்செய்யப்பட்டது.