சிறுவனை மீட்க வேண்டி தடகள வீரர் தொடர் ஓட்டம் !

திருச்சி: சிறுவனை மீட்க வேண்டி தடகள வீரர் தஞ்சையில் இருந்து மணப்பாறைக்கு "தம்பி எழுந்து வா" என்ற வாசகத்துடன் தொடர் ஓட்டமாக வந்துள்ளார்.

திருச்சி மாவட்டம் மணப்பாறை நடுக்காட்டுபட்டியில் ஆழ்துளைக் கிணற்றில் சிக்கியுள்ள சிறுவன் சுஜித்தை மீட்கும் பணி துரிதமாக நடந்துவருகிறது. நாடு முழுவதும் சிறுவனை மீட்க வேண்டும் என்று பிரார்த்தனைகள் நடைபெற்றுவருகிறது.

திருச்சி எடமலைப்பட்டிபுதூரை சேர்ந்தவர் வினோத். தடகள வீரரான இவர் தற்போது தஞ்சையில் பணியாற்றி வருகிறார். இவர் தஞ்சையில் இருந்து காலை 7 மணிக்கு தொடர் ஓட்டமாக "தம்பி எழுந்து வா" என்ற வாசகத்தை தனது முதுகிலும், மார்பிலும் எழுதி குத்திக் கொண்டு மாலை 6.45க்கு நடுக்காட்டுப்பட்டி வரை ஓடிவந்துள்ளார்.

இதையும் படிங்க:
80 அடி ஆழத்திற்குச் சென்ற சுர்ஜித்: நீடிக்கும் மீட்புப்பணி...!