திருச்சியில் புதிதாக 80 பேருக்கு கரோனா தொற்று உறுதி

திருச்சி மாவட்டத்தில் கரோனா தொற்றால் பாதிக்கப்பட்டவர்களின் எண்ணிக்கை 9 ஆயிரத்து 633ஆக அதிகரித்துள்ளது.

திருச்சி மாவட்டத்தில் நேற்று (செப்.21) ஒரே நாளில் 80 பேருக்கு கரோனா உறுதி செய்யப்பட்டுள்ளது. இதன்மூலம் பாதிக்கப்பட்டவர்கள் எண்ணிக்கை 9 ஆயிரத்து 633ஆக அதிகரித்துள்ளது.

மாவட்டத்தில் செப்.20ஆம் தேதி வரை 769 பேர் சிகிச்சை பெற்று வந்தனர். நேற்று ஒரே நாளில் 80 பேர் பூரண குணமடைந்து வீடு திரும்பியுள்ளனர். மாவட்டத்தில் இதுவரை 8 ஆயிரத்து 725 பேர் பூரண குணமடைந்து வீடு திரும்பியுள்ளனர்.

கரோனா தொற்று காரணமாக நேற்று இருவர் உயிரிழந்துள்ள நிலையில், மாவட்டத்தில் உயிரிழந்தவர்களின் எண்ணிக்கை 141ஆக உயர்ந்துள்ளது. தற்போது இம்மாவட்டத்தில் 767 பேர் தொடர்ந்து சிகிச்சை பெற்று வருகின்றனர்.