திருச்சி தீ விபத்து - 20 குடிசை வீடுகள் சேதம்

திருச்சி: அதிகாலை ஏற்பட்ட தீ விபத்தில் 20 குடிசை வீடுகள் எரிந்து சேதமடைந்ததையடுத்து காவல் துறையினர் வழக்குப்பதிவு செய்து விசாரணை மேற்கொண்டு வருகின்றனர்.

திருச்சி சங்கிலியாண்டபுரம் எம்ஜிஆர் நகரில் குடிசை வீடுகள் அதிகம் உள்ளது. இந்நிலையில் இன்று (அக்.5) அதிகாலை ஒரு வீட்டில் திடீரென தீ விபத்து ஏற்பட்டது. தீ மளமளவென அருகில் இருந்த வீடுகளுக்கும் பரவி கொழுந்துவிட்டு எரிந்தது.

இதைக்கண்டு வீட்டில் தூங்கிக்கொண்டிருந்த பொதுமக்கள் அலறியடித்து வெளியே ஓடி வந்தனர். தகவலறிந்த திருச்சி தீயணைப்பு நிலைய வீரர்கள் விரைந்து வந்து தீயை அணைக்க போராடினர்.

சுமார் இரண்டு மணி நேரத்திற்கு மேல் போராடி தீ கட்டுக்குள் கொண்டு வரப்பட்டது. இந்த தீ விபத்தில் எவ்வித உயிர் சேதமும் ஏற்படவில்லை. எனினும் 20க்கும் மேற்பட்ட குடிசை வீடுகள் சேதமைடைந்தன. தீ விபத்துக்கான காரணம் குறித்து காவல் துறையினர் வழக்குப்பதிவு செய்து விசாரணை மேற்கொண்டு வருகின்றனர்.

இதையும் படிங்க: