திருச்சிராப்பள்ளி மாவட்டம், துறையூர் அருகே உப்பிலியபுரம் பி.மேட்டூரை ஒட்டியுள்ள கிராமம் கல்லாத்துக் கோம்பை. இங்கு 50 மலைவாழ் குடும்பங்களைச் சேர்ந்தவர்கள் வசித்து வருகின்றனர்.
அண்மையில் உப்பிலியபுரம் சுகாதாரத்துறை அலுவலர்கள், மருத்துவர் மதுசூதனன் மேற்பார்வையில் முகாமிட்டு கரோனா வைரஸ் தொற்று பரிசோதனை மேற்கொண்டனர். இதில், 17 பேருக்கு கரோனா தொற்று உறுதி செய்யப்பட்டு, 7 பேர் சிகிச்சைக்காக மருத்துவமனையில் அனுப்பப்பட்டனர். மற்ற 10 பேர் தனிமைப்படுத்தப்பட்டனர்.
இதனால், புளியஞ்சோலை அடிவாரத்தில் உள்ள புகழ் பெற்ற மாசி பெரியண்ணசாமி கோயில் வளாகத்துக்குச் செல்லும் வழி மூடப்பட்டது. இதைத்தொடர்ந்து மருத்துவர் கோபிநாத், சுகாதாரத்துறை மேற்பார்வையாளர் நேரு தலைமையில், கிருமி நாசினி தெளிக்கப்பட்டு, இப்பகுதி முழுவதும் தடை செய்யப்பட்டது.