நீரில் மூழ்கி 3 குழந்தைகள் பரிதாபமாக பலி!

திருச்சி: நீரில் மூழ்கி 3 குழந்தைகள் பரிதாபமாக உயிரிழந்த சம்பவம் குறித்து காவல் துறையினர் தீவிர விசாரணை மேற்கொண்டு வருகின்றனர்.

திருச்சி மாவட்டம் சிறுகனூர் முஸ்லீம் தெருவைச் சேர்ந்தவர் முகமது இலியாஸ். குவைத்தில் புணிபுரிகிறார். இவரது மகன் முகமது ஆசீப்.(12). மகள் ஆசிரா பானு(11). அதே பகுதியைச் சேர்ந்தவர் ஆதம்ஷா. இவரது மகள் ரிஜிவானா பேகம் (7). 3 குழந்தைகளையும் பீவி என்கிற மூதாட்டி அருகில் உள்ள வாய்க்காலில் குளிக்க அழைத்து சென்றுள்ளார்.

அப்போது வாய்க்காலில் மண் அள்ளிய பள்ளம் தெரியாமல் அடுத்தடுத்து 3 குழந்தைகளும் நேரில் மூழ்கினர். குழந்தைகள் 3 பேரும் மூழ்குவதை கண்டு அதிர்ச்சி அடைந்த மூதாட்டி சத்தம் போட்டார். அக்கம்பக்கத்தினர் ஓடிவந்து வந்து மூழ்கிய குழந்தைகளை மீட்டனர்.

அதற்குள்ள 3 பேரும் பரிதாபமாக உயிரிழந்தனர். தகவலறிந்த சிறுகனூர் காவல் துறையினர் விரைந்து வந்து 3 பேரது உடலை மீட்டு உடற்கூறு ஆய்வுக்காக திருச்சி அரசு மருத்துவமனைக்கு அனுப்பி வைத்தனர். இதுகுறித்து காவல் துறையினர் வழக்குப் பதிவு செய்து விசாரணை மேற்கொண்டு வருகின்றனர்.

இதையும் படிங்க: பச்சிளம் பெண் குழந்தை குளக்கரையோரம் மீட்பு!