திருச்சி, ஸ்ரீரங்கம் வைகுண்ட ஏகாதசி திருவிழாவின் ராப்பத்து நிகழ்ச்சியின் ஆறாம் நாளான இன்று (டிச.30), காலை 6 மணி முதல் 9 மணி வரை மூலவர் ரங்கநாத பெருமாள் முத்தங்கி சேவை தரிசனம் நடைபெற்றது. தொடர்ந்து 9 மணிக்கு ஆரியபட்டால் நுழைவு வாயில் அடைக்கப்பட்டு பக்தர்களுக்கு அனுமதி மறுக்கப்பட்டது.
ஸ்ரீரங்கம் வைகுண்ட ஏகாதசி ராப்பத்து ஆறாம் நாள்!
திருச்சி: ஸ்ரீரங்கம் வைகுண்ட ஏகாதசி ராப்பத்து ஆறாம் நாளான இன்று (டிச.30) நம்பெருமாள் கிருஷ்ணர் கொண்டை அலங்காரத்தில் பக்தர்களுக்கு சேவை சாதித்தார்.
ஸ்ரீரங்கம் வைகுண்ட ஏகாதசி ராப்பத்து ஆறாம் நாள்
பின்னர் தொடர்ந்து பிற்பகல் 12 மணிக்கு, ஆரியபட்டால் நுழைவு வாயில் திறக்கப்பட்டதுபோல, ஒரு மணிக்கு சொர்க்க வாசல் கதவு திறக்கப்பட்டது. மேலும் 1 மணிக்கு மூலஸ்தானத்தில் இருந்து சிறப்பு அலங்காரத்தில் புறப்பட்ட உற்சவர் நம்பெருமாள் 2 மணிமுதல் ஆயிரங்கால் மண்டபத்தில் எழுந்தருளி பக்தர்களுக்கு சேவை சாதித்தார்.
ராப்பத்து ஆறாம் திருநாளில் நம்பெருமாள் ஆறாம் நாளான இன்று ரத்தின காதுகாப்பு, வைர அபயஹஸ்தம், மகாலட்சுமி பதக்கம், காசுமாலை மற்றும் திருஆபரணங்கள் அணிந்து பக்தர்களுக்கு சேவை சாதித்தார். அதன் பின் இரவு 8 மணிக்கு ஆயிரங்கால் மண்டபத்தில் இருந்து புறப்பட்ட நம்பெருமாள் 9 மணிக்கு மூலஸ்தானத்தை சென்றடைந்தார். இதில் ஆயிரக்கணக்கான பக்தர்கள் நீண்ட வரிசையில் காத்திருந்து ரங்கநாதரின் முத்தங்கி சேவையையும், உற்சவர் நம்பெருமாள் சேவையையும் தரிசித்தனர்.