திருச்சி:தமிழ்நாட்டில் பல்வேறு பகுதிகளில் உள்ள ஆலயங்களில் தொடர்ந்து தரிசனம் மேற்கொண்டு வரும் வி.கே சசிகலா இன்று (ஏப்.11) திருச்சி சமயபுரம் டோல்கேட் அருகில் உள்ள மும்மூர்த்திகள் திருத்தலமான உத்தமர் கோயிலில் சிறப்புத் தரிசனம் மேற்கொண்டார்.
சசிகலா ஆன்மிக பயணம் மேற்கொள்ளும் போதெல்லாம் அவரை வரவேற்பதற்காக அம்மா மக்கள் முன்னேற்ற கழகத்தை சேர்ந்த நிர்வாகிகள் மற்றும் தொண்டர்கள் அவர் செல்லும் எல்லா இடங்களிலும் திரண்டு உற்சாக வரவேற்பைக் கொடுத்து வருகின்றனர்.
அந்த வகையில் திருச்சிக்கு வருகை தந்த சசிகலாவிற்கு அமமுக அமைப்பு செயலாளர் சாருபாலா தொண்டைமான் மற்றும் திருச்சி மாவட்ட அதிமுக நிர்வாகிகள் சார்பில் பூங்கொத்து வழங்கி வரவேற்பு அளிக்கப்பட்டது.
இதனையடுத்து, 108 வைணவத் திருத்தலங்களுள் ஒன்றான உத்தமர் கோயிலில் சாமி தரிசனம் செய்தார்.
சசிகலா உத்தமர் கோயிலில் சிறப்பு தரிசனம்.. அடுத்து சேலம் நோக்கி ஆன்மிக பயணம்..