திமுக 11ஆவது மாநில மாநாடு பிப்ரவரி மாத இறுதியில், திருச்சியில் நடைபெறுகிறது. அதற்கான தேதி இன்னும் அறிவிக்கப்படவில்லை. திருச்சி மாவட்டம் சமயபுரம் அருகே சிறுகனூரில் சுமார் 500 ஏக்கரில் நடைபெறும் இந்த மாநாட்டின் ஏற்பாடுகள் நேற்று தொடங்கியது. திமுக முதன்மைச் செயலாளர் கே.என்.நேரு மாநாட்டுப் பணிகளை நேற்று தொடங்கி வைத்தார்.
இந்நிலையில், திமுக தலைவர் மு.க.ஸ்டாலின் இன்று மாநாடு நடைபெறும் இடம், முன்னேற்பாடு பணிகளை பார்வையிட்டார். அப்போது, மாநாடு நடைபெறும் இடத்தின் வரைபடத்தை கொண்டு நேரு விளக்கிக் கூறினார். இதனிடையே, மாநாட்டு ஏற்பாடுகளை பார்வையிட வந்த மு.க.ஸ்டாலினுக்கு ஏராளமான திமுகவினர் திரண்டு வரவேற்பு அளித்தனர்.