திருச்சி மாவட்டம் மணப்பாறையில் உள்ள மாட்டுச்சந்தை பிரசித்திப் பெற்றதாகும். வாரந்தோறும் செவ்வாய்க்கிழமை மாலை தொடங்கி புதன்கிழமை பிற்பகல்வரை நடைபெறும் இந்தச் சந்தையில் தஞ்சாவூர், புதுக்கோட்டை, சிவகங்கை, தேனி, ஈரோடு, கோவை உள்ளிட்ட தமிழ்நாட்டின் பல்வேறு மாவட்டங்களிலிருந்தும் கேரளா, கர்நாடகா, ஆந்திரா ஆகிய வெளிமாநிலங்களிலிருந்தும் வியாபாரிகள் வந்து ஆடு, மாடுகளை வாங்கிச் செல்வது வழக்கம்.
இதனால் இந்தச் சந்தையில் வாரந்தோறும் மூன்று கோடி ரூபாய்க்கு வர்த்தகம் நடைபெறும். மேலும் வாரந்தோறும் இரண்டாயிரத்து 500 மாடுகள் கொண்டுவரப்படும் நிலையில், தற்போது 200 மாடுகள் மட்டுமே விற்பனைக்காக கொண்டுவரப்பட்டன. இந்த மாடுகளும் வியாபாரிகள் வராததால், திரும்பி கொண்டுச் செல்லப்பட்டன.
merchants