புல்லரிக்க வைத்த புள்ளம்பாடி; திமுகவை மீறி வெற்றி வாகை சூடிய சுயேச்சை!

திருச்சி புள்ளம்பாடி பேரூராட்சி தலைவராக சுயேட்சை வேட்பாளர் 9 வாக்குகள் பெற்று வெற்றியடைந்தார். 6 வாக்குகள் பெற்று திமுக வேட்பாளர் தோல்வியடைந்தார்.

திருச்சி: 15 வார்டுகளை உள்ளடக்கியது திருச்சி லால்குடி அருகே உள்ள புள்ளம்பாடி பேரூராட்சி. இதில், 1ஆவது வார்டில் சுயேட்சை வேட்பாளராக ஜோ. ஆலீஸ் செல்வராணி போட்டியிட்டு வெற்றிப் பெற்றார். இந்த பேரூராட்சியில் 8 வார்டுகளில் திமுகவும், 4 வார்டுகளில் அதிமுகவும், 3 வார்டுகளில் சுயேச்சையும் கைப்பற்றியிருந்தனர்.

பேரூராட்சி தலைவர் பதவிக்கு சுயேச்சை வேட்பாளர் ஜோ. ஆலீஸ் செல்வராணியும், திமுக கட்சி சார்பில் கோகிலாமுத்துகுமாரும் போட்டியிட்டனர். இதில், சுயேட்சை வேட்பாளர் ஜோ. ஆலீஸ் செல்வராணி 9 வாக்குகள் பெற்று வெற்றிப் பெற்றார். இவரை எதிர்த்துப் போட்டியிட்ட திமுக வேட்பாளர் கோகிலா முத்துக்குமார் 6 வாக்குகள் பெற்று தோல்வியடைந்தார்.

கோகிலாவின் கணவர் முத்துக்குமார், கடந்த 15 ஆண்டுகளாகதிமுகவின் புள்ளம்பாடி நகர செயலாளராக பதவி வகிக்கிறார். மேலும், தற்போதைய ஊரக உள்ளாட்சித்துறை அமைச்சர் கே.என்.நேரு தனது அரசியல் அத்தியாயத்தை புள்ளம்பாடி யூனியன் சேர்மனாகத்தான்தொடங்கினார் என்பது குறிப்பிடத்தக்கது.

இதையும் படிங்க:கும்பகோணத்தில் மேயரான ஆட்டோ ஓட்டுநர்!