திருச்சியில் இருசக்கர வாகனம் மோதியதில் குதிரை உயிரிழப்பு

திருச்சி: முக்கொம்பு அருகே குதிரை வண்டி மீது இருசக்கர வாகனம் மோதிய விபத்தில், பரிதாபமாக குதிரை உயிரிழந்தது.

திருச்சி மாவட்டம் முக்கொம்பு அருகே தேசிய நெடுஞ்சாலையில் முதியவர் ஒருவர் இன்று (செப்டம்பர் 4) காலை குதிரை வண்டி ஓட்டி வந்தார். அப்போது அவ்வழியாக வந்த இருசக்கர வாகனம், குதிரை வண்டி மீது வேகமாக மோதியதில் இருசக்கர வாகனமும் குதிரை வண்டியும் தூக்கி வீசப்பட்டன.

இந்த விபத்தில் படுகாயமடைந்த குதிரை, சம்பவ இடத்திலேயே பரிதாபமாக உயிரிழந்தது. மேலும், படுகாயமடைந்த முதியவரை அருகில் இருந்தவர்கள் மீட்டு அரசு மருத்துவமனையில் சேர்த்தனர். இச்சம்பவம் குறித்து ஜீயபுரம் காவல்துறையினர் விசாரணை மேற்கொண்டுள்ளனர்.