மலேசியாவுக்கு பல லட்சம் ரூபாய் மதிப்புள்ள தங்கம் கடத்த முயற்சி!

திருச்சி: விமான நிலையத்திலிருந்து மலேசியாவுக்கு கடத்த முயன்ற வெளிநாட்டு பணம், லேப்டாப், கடத்தல் தங்கம் உள்ளிட்டவற்றை வான் நுண்ணறிவு பிரிவு அலுவலர்கள் பறிமுதல் செய்துள்ளனர்.

திருச்சி விமான நிலையத்திலிருந்து மலேசியா தலைநகர் கோலாலம்பூர் செல்லவிருந்த ஏர் ஏசியா விமானப் பயணிகளை, வான் நுண்ணறிவு பிரிவு அலுவலர்கள் சோதனையிட்டனர்.

இச்சோதனையில் சிவகங்கை மாவட்டம் இளையான்குடியைச் சேர்ந்த ஆசாத், அப்துல் ரகுமான் ஆகிய இருவரின் உடைமைகளில் 3 லட்சத்து 84 ஆயிரம் ரூபாய் மதிப்புள்ள வெளிநாட்டு பணம், 15 லட்சத்து 30 ஆயிரம் ரூபாய் மதிப்புள்ள 402 கிராம் கடத்தல் தங்கம் உள்ளிட்டவைகள் சிக்கின.

மேலும், அவர்களிடம் 1 லட்சத்து 50 ஆயிரம் ரூபாய் மதிப்புள்ள 8 லேப்டாப்கள், 300 கைக் கடிகாரங்களும் இருந்தன. இதனைத்தொடர்ந்து, வான் நுண்ணறிவு பிரிவு அலுவலர்கள், அவற்றை பறிமுதல் செய்துவிட்டு, இதுகுறித்து இருவரிடமும் தீவிர விசாரணை மேற்கொண்டு வருகின்றனர்.

இதையும் படிங்க: