'ஆதீனங்கள் மீது கை வைத்தால், விபரீதம் வேறு மாதிரியாக இருக்கும்'- அண்ணாமலை எச்சரிக்கை!

'எங்களுடைய பதுங்கலை, ஆதீனங்கள் பயமயாக கருதக் கூடாது... எங்களுக்கு பாயவும் தெரியும்' என அமைச்சர் சேகர் பாபு பேசியதற்கு , “ஆதீனங்கள் மீது கை வைத்தால் விபரீதம் வேறு மாதிரியாக இருக்கும்” என்று தமிழ்நாடு பாஜக தலைவர் அண்ணாமலை எச்சரித்துள்ளார்.

திருச்சி:பாரதிய ஜனதா அரசின் 8 ஆண்டு கால சாதனை விளக்க பொதுக்கூட்டம் புத்தூர் நால்ரோட்டில் நடைபெற்றது. இதில் தமிழ்நாடு பாஜக மாநில தலைவர் அண்ணாமலை கலந்துகொண்டார். அப்போது அவர் திமுக ஆட்சியில் தமிழ்நாடு பின்னோக்கி ஓடிக் கொண்டிருப்பதாகவும்; லஞ்சம், கொலை , கொள்ளை அதிகரித்து விட்டதாகவும் குற்றஞ்சாட்டி பேசினார்.

இந்தியை படித்தால் சூத்திரர்களாகி விடுவோம் என தி.மு.கவை சேர்ந்த டி.கே.எஸ்.இளங்கோவன் கூறி இருக்கிறார்; இது திமுகவின் கீழ்தரமான சிந்தனையை காட்டுகிறது, திமுக ஜாதியை வைத்து கொண்டு பிழைப்பு நடத்தும் கட்சி என்று அண்ணாமலை சாடினார்.

கல்வித் தரத்தில் தமிழ்நாடு பின் தங்குகிறது; அதைப் பற்றி பள்ளிக் கல்வித்துறை அமைச்சர் அன்பில் மகேஷ் சிந்திக்காமல் உதயநிதி படங்களுக்கு மட்டுமே ஆதரவாக பேசி வருகிறார் என்று தெரிவித்தார்.

ஆதீனத்தை மிரட்டுகிறீர்களா?:மேலும் பேசிய அவர்எங்களுடைய பதுங்கலை ஆதீனம் பயமயாக கருதக் கூடாது பாயவும் தெரியும் என அமைச்சர் சேகர் பாபு பேசியதற்கு , ஆதீனங்கள் மீது கை வைத்தால் விபரீதம் வேற மாதிரியாக இருக்கும் என்றார்.
இதையும் படிங்க: அண்ணாமலையையே திக்குமுக்காடச் செய்த சிவகங்கை பாஜக தொண்டர்கள்!