குழந்தைகளின் ஆபாச வீடியோ பதிவேற்றம்: மணப்பாறையில் சிபிஐ சோதனை!

திருச்சி மாவட்டம் மணப்பாறை அருகே குழந்தைகளின் ஆபாச வீடியோக்களை ஆன்லைனில் பதிவேற்றம் செய்து பணம் சம்பாதித்த புகாரில் சிபிஐ அதிகாரிகள் சோதனை நடத்தி வருகின்றனர்.

திருச்சி:மணப்பாறை அடுத்த பூமாலைப்பட்டியில் வசித்து வருபவர், ஓய்வு பெற்ற சுகாதாரத்துறை அலுவலர், சுப்பிரமணியன் (60). இவருக்கு ராஜா (45) என்ற மகன் உள்ளார்.

ராஜா கடந்த 10 ஆண்டுகளாக லண்டனில் பணிபுரிந்து வந்துள்ளார். இவர், குழந்தைகளின் ஆபாச வீடியோக்களை பதிவிறக்கம் செய்து அதனை வெளிநாட்டிற்கு பதிவேற்றம் செய்து பணம் சம்பாதித்தாக கூறப்படுகிறது.

இதனால், திருச்சி மாவட்ட முதன்மை நீதிமன்ற அனுமதியுடன், ராஜாவின் வீட்டில் டெல்லியிலிருந்து வந்த சிபிஐ அதிகாரிகள், இன்று காலை முதல் சோதனை நடத்தி வருகின்றனர். மேலும், இது தொடர்பாக ராஜாவிடம் விசாரணை நடத்தி வருகின்றனர்.