கரோனா பரவலைத் தடுக்கும் வகையில் கடந்த மாதம் 24ஆம் தேதி முதல் ஊரடங்கு நடைமுறையில் உள்ளது. பெரும்பாலான மக்கள் வீட்டிற்குள்ளேயே தனிமைப்படுத்திக் கொண்டாலும், தினமும் வீடு தேடி வந்து குப்பைகளை வாங்கியும், சாலைகள் பொது கழிப்பிடங்கள் அவற்றை தூய்மை செய்யும் பணியில் தூய்மைப் பணியாளர்கள் தொடர்ந்து ஈடுபட்டு வருகின்றனர்.
திருச்சி மாநகராட்சிப் பகுதியில் உள்ள 65 வார்டுகளில் 1,500 நிரந்தரப் தூய்மைப் பணியாளர்கள், ஆயிரம் தற்காலிக தூய்மைப் பணியாளர்கள் உள்ளனர். இவர்களுக்கு கையுறை, முகக் கவசம், கிருமி நாசினி உள்ளிட்டவை அரசு சார்பில் வழங்கப்பட்டுள்ளன.
ஊரடங்கு நடைமுறை காலத்திலும் தொடர்ந்து குடியிருப்புகள், மருத்துவமனைகள், அரசு அலுவலகங்கள் என அனைத்து பகுதிகளிலும் தூய்மைப் பணிகளில் ஈடுபட்டுள்ள தூய்மைப் பணியாளர்களை போற்றும் வகையில் திருச்சி மாநகரில் பீமநகர் பகுதியில் பாஜக இளைஞர் அணி சார்பில் பாத பூஜை நடத்தப்பட்டது.