ஸ்ரீவில்லிபுத்தூர் ஆண்டாளின் வஸ்திரங்கள் ஸ்ரீரங்கம் வந்தடைந்தன!

திருச்சி: ஸ்ரீவில்லிபுத்தூர் ஆண்டாள் கிளி, மாலை, பட்டு வஸ்திரங்கள் உள்ளிட்ட மங்கலப்பொருட்கள் ஸ்ரீரங்கம் வந்தடைந்தன.

ஸ்ரீரங்கம், ரங்கநாதர் கோவிலில் சித்திரை தேர்த் திருவிழா நடைபெற்று வருகிறது. இதில் 9ஆம் திருநாளான இன்று(மே.9) ஸ்ரீரங்கம் அரங்கநாத சுவாமி திருக்கோயில் உற்சவர் ஸ்ரீநம்பெருமாள் விருப்பன் திருநாள் நடைபெறுகிறது. இதை முன்னிட்டு ஸ்ரீ நம்பெருமாளுக்கு ஸ்ரீவில்லிப்புத்தூர் ஸ்ரீஆண்டாள் திருக்கோயிலிலிருந்து ஆண்டாள் கிளி மாலை , பட்டு வஸ்திரங்கள் மற்றும் மங்கலப் பொருட்கள் ஸ்ரீரங்கம் கொண்டு வரப்பட்டன.

ஸ்ரீவில்லிப்புத்தூர் ஸ்ரீஆண்டாள் திருக்கோயிலிலிருந்து ஸ்ரீ ஆண்டாள் கிளி, மாலை பட்டு வஸ்திரங்கள் மற்றும் மங்கலப் பொருட்களை ஸ்ரீவில்லிப்புத்தூர் ஸ்ரீ ஆண்டாள் கோயில் நிர்வாக அலுவலர் இளங்கோவன், தக்கார் ரவிச்சந்திரன் , ரமேஷ் பட்டர் ஆகியோர் கொண்டு வந்தனர். இந்த மங்கலப்பொருட்களை ஸ்ரீரங்கம் கோயில் இணை ஆணையர் மாரிமுத்து பெற்றுக் கொண்டார்.

இந்நிகழ்ச்சியில் கோயில் உதவி ஆணையர் கந்தசாமி , அறங்காவலர்கள் ரங்காச்சாரி , மருத்துவர் சீனிவாசன் ,மேலாளர் உமா , உள்துறை கண்காணிப்பாளர் வேல்முருகன் ,கோயில் அர்ச்சகர் சுந்தர் பட்டர் மற்றும் கோயில் பணியாளர்கள் கலந்து கொண்டனர் , ஸ்ரீஆண்டாளின் கிளி மாலை மற்றும் பட்டு வஸ்திரங்கள் விருப்பன் திருநாளின் 9ஆம் நாள் அன்று ஸ்ரீ நம்பெருமாளுக்குச் சாற்றப்படும்.

இதையும் படிங்க:ஸ்டாலின் பார்வை: உளவுத்துறை முதல் சட்டம் ஒழுங்கு ஏடிஜிபி வரை...