திமுக சுவரொட்டியில் அதிமுக கொடி - வேகமாகப் பரவிய படம்

திருச்சி: மணப்பாறை வந்த உதயநிதி ஸ்டாலினின் வரவேற்பு சுவரொட்டியில் அதிமுக கொடி இடம் பெற்றிருந்தது சமூக வலைதளங்களில் வைரலாகிவருகிறது.

திருச்சி மாவட்டம், மணப்பாறையில் விடியலை நோக்கி ஸ்டாலின் குரல் நிகழ்ச்சி நடைபெறவுள்ளது. இதற்காக, திமுக இளைஞரணிச் செயலாளர் உதயநிதி ஸ்டாலின் மணப்பாறைக்கு நேற்று (டிச. 28) வந்தார்.

அதிமுக கொடியுடன் சுவரொட்டி:

அப்போது, அவரை வரவேற்று கட்சி நிர்வாகிகள் ஆங்காங்கே சுவரொட்டிகள் ஒட்டியும், சுவர் விளம்பரங்கள் வரைந்தும், ஃபிளெக்ஸ், பேனர் போர்டுகள் வைத்தும் வரவேற்பு அளித்திருந்தனர். இதில், மணப்பாறையைச் சேர்ந்த கட்சிப் பிரமுகர் ஒருவர் அடித்திருந்த சுவரொட்டியில் அதிமுக கொடி இடம் பெற்றிருந்தது.

வைரலான சுவரொட்டி:

அந்தச் சுவரொட்டியை புகைப்படம் எடுத்து, "திமுக சுவரொட்டியில் அதிமுக கொடி, போற போக்க பாத்தா கூட்டணி வச்சிரு வாங்க போல இருக்கு'' என்ற வசனத்தோடு உள்ள பதிவை சமூக வலைதளங்களில் பகிர்ந்துள்ளனர்.

இது திமுகவினரிடையே பெரும் சலசலப்பை ஏற்படுத்தியுள்ள நிலையில், இதை மற்ற கட்சியினர் கலாய்த்து வைரலாக்கிவருவதால் எதிர்க்கட்சியினரிடையே பெரும் எரிச்சலை கிளப்பியுள்ளது.

இதையும் படிங்க:'எம்பி, எம்எல்ஏ-வை காணவில்லை' - போஸ்டர் அடித்து பரபரப்பை கிளப்பிய ஆர்.கே நகர் மக்கள்