திருச்சியில் இன்று 92 பேருக்கு கரோனா

திருச்சி: மாவட்டத்தில் இன்று புதிதாக 92 பேருக்கு கரோனா தொற்று உறுதி செய்யப்பட்டுள்ளது.

தமிழ்நாட்டில் இன்று ஒரே நாளில் 4 ஆயிரத்து 328 பேர் கரோனா தொற்றால் பாதிக்கப்பட்டுள்ளனர். இதன்மூலம் பாதிக்கப்பட்டவர்களின் எண்ணிக்கை ஒரு லட்சத்து 42 ஆயிரத்து 798ஆக உயர்ந்துள்ளது.

இதற்கிடையில் இன்று திருச்சி மாவட்டத்தில் ஒரே நாளில் 92 பேருக்கு கரோனா தொற்று இருப்பது உறுதி செய்யப்பட்டுள்ளது. இதன்மூலம் அம்மாவட்டத்தில் பாதிக்கப்பட்டவர்கள் எண்ணிக்கை ஆயிரத்து 598ஆக அதிகரித்துள்ளது.

அதேபோல் இன்று ஒரேநாளில் 82 பேர் பூரண குணமடைந்து வீடு திரும்பியுள்ளனர். மேலும், ஐந்து பேர் சிகிச்சை பலனின்றி உயிரிழந்துள்ளனர்.