திருச்சி:நாடு முழுவதும் இன்று (செப்.10) விநாயகர் சதுர்த்தி விழா உற்சாகமாகக் கொண்டாடப்படுகிறது. கரோனா தடுப்பு நடவடிக்கையாக பொது இடங்களில் விநாயகர் சிலை வைக்க தமிழ்நாடு அரசு தடைவிதித்துள்ளது. ஆங்காங்கே உள்ள விநாயகர் கோயில்களில் கொழுக்கட்டை படையல் வைக்கப்பட்டு வழிபாடு நடைபெறுகிறது.
அந்த வகையில் திருச்சியில் உள்ள புகழ்பெற்ற மலைக்கோட்டை தாயுமானவர் சுவாமி ஆலயத்தில் உள்ள உச்சிப்பிள்ளையாருக்கும், மாணிக்க விநாயாகருக்கும் 60 கிலோ எடை கொண்ட ராட்சத கொழுக்கட்டை தயாரிக்கப்பட்டு படைக்கப்பட்டது.