விமானத்தில் கேட்பாரற்று கிடந்த 1.5 கிலோ தங்கம்!

திருச்சி: ஷார்ஜாவிலிருந்து வந்த விமானத்தில் கேட்பாரற்று கிடந்த 1.5 கிலோ தங்கத்தை, சுங்கத்துறை அலுவலர்கள் கைபற்றி விசாரணை நடத்தி வருகின்றனர்.

ஷார்ஜாவில் இருந்து ஏர் இந்தியா எக்ஸ்பிரஸ் விமானம் நாள்தோறும் திருச்சி விமான நிலையம் வந்தடையும். அந்த வகையில், நேற்று அதிகாலை ஷார்ஜாவில் இருந்து திருச்சிக்கு ஏர் இந்தியா எக்ஸ்பிரஸ் விமானம் வந்தது.

அதன்பின், விமானத்தை தூய்மை படுத்தும் பணியில் பணியாளர்கள் ஈடுபட்ட போது, விமானத்தின் உள்ளே கவர் ஒன்று கிடைத்தது. அதனை ஆய்வு செய்த சுங்கத்துறை அலுவலர்கள், ஷார்ஜாவில் இருந்து பேஸ்ட் வடிவில் தங்கம் கடத்தி வந்ததை உறுதி செய்தனர்.

சுமார் 1.494 கிலோ எடையுள்ள அந்த தங்கத்தின் மதிப்பு ரூ.57.16 லட்சம் என்று தெரியவந்துள்ளது. இது தொடர்பாக சுங்கத்துறை அலுவலர்கள் தொடர்ந்து விசாரணை மேற்கொண்டு வருகின்றனர்.

இதையும் படியுங்க: