ஆவடி ராணுவ சாலையில் அமைந்துள்ள நில அளவை பிரிவு அலுவலகத்தில் கடந்த 10ஆம் தேதி இரவு லஞ்ச ஒழிப்பு காவல் துறை துணைக் கண்காணிப்பாளர் குமரகுரு தலைமையில் சோதனை நடத்தினர்.
அப்போது, அலுவலகத்திலிருந்த தனி வட்டாட்சியர் ஸ்ரீதரனிடமும் மூன்று பெண் ஒப்பந்த ஊழியர்களிடமும் விசாரணை நடத்தியதில், அலுவலகத்தில் கணக்கில் வராத 90 ஆயிரம் ரூபாய் பணமும் முக்கிய ஆவணங்களும் பறிமுதல் செய்யப்பட்டன. மேலும் பட்டா வழங்கிவிட்டு, அதை பதிவேடுகளில் பதிவு செய்யாமல் இருந்ததும் கண்டுபிடிக்கப்பட்டது.
இது குறித்து அரசுக்கு லஞ்ச ஒழிப்பு காவல் துறையினர் அறிக்கை அனுப்பினர். சோதனைக்கு பிறகு தனி வட்டாட்சியர் ஸ்ரீதரன், எழும்பூரில் உள்ள டிட்கோ-பெட்டோ கெமிக் பூங்கா திட்ட தனி வட்டாட்சியராக இடமாற்றம் செய்வதாக மாவட்ட ஆட்சியர் மகேஸ்வரி உத்தரவிட்டார். அங்கு தனி வட்டாட்சியராக பணியாற்றிய கிருபா உஷா, ஆவடி நகர நில அளவை பிரிவு தனி வட்டாட்சியராக நியமனம் செய்யப்பட்டுள்ளார். மேலும் அங்கிருந்த புரோக்கர்கள் கைது செய்யப்பட்டனர்.
இதையும் படியுங்க:
TAGGED:
latest chenani district news