நாகை மாவட்டம் வலிவலம் காவல் நிலையத்தில் உதவி ஆய்வாளராகப் பணியாற்றும் விவேக் ரவிராஜ் மீது மயிலாடுதுறை மாவட்டம் வில்லியநல்லூரைச் சேர்ந்த சுபஸ்ரீ என்ற இளம்பெண் அளித்த புகாரின்படி, உயர் நீதிமன்ற உத்தரவின்பேரில் மயிலாடுதுறை அனைத்து மகளிர் காவல் நிலையத்தில் அண்மையில் வழக்கு பதிவுசெய்யப்பட்டது.
இதையடுத்து, இளம்பெண்ணை திருமணம் செய்துகொள்வதாகக் கூறி ஏமாற்றி காவல் உதவி ஆய்வாளர் விவேக் ரவிராஜ் தற்காலிக பணிநீக்கம் செய்யப்பட்டார்.
வழக்குப்பதிவு செய்தபோது வில்லியநல்லூரைச் சேர்ந்த மகாகணபதி, அழகேசன் ஆகியோர் தன்னை வாகனத்தை வைத்து மோதி கொலைசெய்ய முயற்சித்ததாக ஊடகங்களிலும், சமூக வலைதளங்களில் பாதிக்கப்பட்ட இளம்பெண் பதிவுசெய்திருந்திருந்தார்.
இந்நிலையில், வில்லியநல்லூர் ஊராட்சி அதிமுக செயலாளராகவும், தலைஞாயிறு என்.பி.கே.ஆர்.ஆர் கூட்டுறவு சர்க்கரை ஆலையின் இயக்குநராகவும் உள்ள மகாகணபதி நேற்று மயிலாடுதுறை காவல் கண்காணிப்பாளர் அலுவலகத்தில் தன்மீது பொய்யாக குற்றம்சாட்டியதாக சுபஸ்ரீ மீது நடவடிக்கை எடுக்கக்கோரி புகார் மனு அளித்தார்.