திருப்பூர் மாவட்டம், பல்லடம் அடுத்த தெற்கு பாளையம் பிரிவு அருகே சாலையோரமாக இளைஞர் ஒருவரின் சடலம் கழுத்தறுக்கப்பட்ட நிலையில் கிடந்தது. இதைக் கண்டு அதிர்ச்சியடைந்த அப்பகுதி பொது மக்கள், பல்லடம் காவல் துறையினருக்குத் தகவல் தெரிவித்தனர்.
காவல் துறை விசாரணை
தகவலறிந்து சம்பவ இடத்திற்கு வந்த காவல்துறையினர் இளைஞரின் உடலை மீட்டு, பல்லடம் அரசு மருத்துவமனைக்கு உடற்கூராய்வுக்காக அனுப்பிவைத்தனர். முதல் கட்ட விசாரணையில், இறந்த இளைஞர் மானாமதுரையைச் சேர்ந்த முருகன் என்பதும், மதுபோதையில் நடந்த தகராறில் அவர் மதுபாட்டிலால் கழுத்தறுக்கப்பட்டு, அடையாளம் தெரியாத நபர்களால் கொலை செய்யப்பட்டிருக்கலாம் என தெரியவந்தது.
மாவட்ட துணை காவல் கண்காணிப்பாளர் ராமச்சந்திரன் தலைமையிலான காவல் துறையினர், இளைஞரை கொலை செய்த அடையாளம் தெரியாத நபர்கள் யார் என்பது தொடர்பாக வழக்குப்பதிவு செய்து தொடர் விசாரணை மேற்கொண்டு வருகின்றனர்.
இதையும் படிங்க:மதுவால் நேர்ந்த சோகம்: ரயில் மோதி 2 இளைஞர்கள் உயிரிழப்பு!