திருப்பூர் மாவட்டம் தாராபுரத்தை அடுத்த பெருமாள் கவுண்டன் வலசு பகுதியில் சாலையோரம் இளம் பெண் ஒருவரின் உடல் கைகள் கட்டப்பட்ட நிலையில் கிடப்பதாக மூலனூர் காவல் நிலையத்திற்கு தகவல் கிடைத்தது.
சம்பவ இடத்திற்கு விரைந்த காவல் ஆய்வாளர் வனிதாமணி தலைமையிலான காவல் துறையினர், பெண்ணின் உடலைக் கைப்பற்றி அருகில் உள்ள அரசு மருத்துவமனைக்கு உடற்கூறாய்விற்கு அனுப்பி வைத்தனர்.
பிணமாகக் கிடந்த அப்பெண்ணின் கைகள் பின்புறமாகக் கட்டப்பட்டும், வாயில் துணி திணிக்கபட்டும் இருந்துள்ளது. அதுமட்டுமல்லாமல் உடலின் அருகே பெண்ணின் உள்ளாடையோடு ஆணின் உள்ளாடையும் கிடந்]துள்ளது.
இதனால் அப்பெண் பாலியல் வன்புணர்வுக்கு ஆளாக்கப்பட்டு கொலை செய்யபட்டிருக்கலாம் என்ற கோணத்தில் காவல் துறையினர் விசாரணை நடத்தி வருகின்றனர்.
இதையும் படிங்க: மேலவளவு கொலையாளிகள் விடுதலை விவகாரம் - தமிழ்நாடு அரசுக்கு நீதிமன்றம் கண்டனம்!