'விளம்பரம் தேடுகிறாரா டிராஃபிக் ராமசாமி?' - போராட்டத்தில் நடந்தது என்ன?

திருப்பூர்: சமூக ஆர்வலர் டிராஃபிக் ராமசாமி திடீர் வாகன சோதனையில் ஈடுபட்டதுடன், சாலையில் படுத்து போராட்டத்தில் ஈடுபட்டதால் பரபரப்பு ஏற்பட்டது.

திருப்பூர் பல்லடம் ரோடு, சந்தைப்பேட்டை அருகில் உள்ள டி.கே.டி., பேருந்து நிறுத்தம் பகுதியில் டிராஃபிக் ராமசாமி திடீர் வாகன சோதனையில் ஈடுபட்டார்.

அப்போது, ஹெல்மெட் இல்லாமல் வாகனம் இயக்கியவர்களையும், வாகன உரிமம் இல்லாமல் வந்தவர்களையும் பிடித்து சாலை ஓரத்தில் நிறுத்தினார். வாகன சோதனையின் போது தன் மீது ஒரு வாகன ஓட்டி இடிக்க வந்ததாகவும், அதை காவல்துறையினர் கண்டுகொள்ளவில்லை என்றும் கூறிய டிராஃபிக் ராமசாமி திடீரென நடுரோட்டில் படுத்து சாலை மறியலில் ஈடுபட்டார்.

அங்கு இருந்த பொதுமக்கள் டிராஃபிக் ராமசாமி சாலை மறியல் செய்ததைக் கண்டித்து வாக்குவாதம் செய்தனர். "நீங்கள் இப்படி செய்யலாமா? விளம்பரத்துக்காக சாலை மறியல் செய்யலாமா? என டிராஃபிக் ராமசாமியுடன் சிலர் வாக்கு வாதம் செய்தனர். இதனால் அப்பகுதியில் கடும்போக்குவரத்து நெரிசல் ஏற்பட்டது.

இதையும் படிங்க: