திருப்பூர் மாவட்டம், இந்து முன்னேற்ற கழகத்தைச் சேர்ந்த வழக்கறிஞர் கோபிநாத் சென்னை உயர் நீதிமன்றத்தி பொது நல மனு ஒன்றை தாக்கல் செய்தார்.
அதில், "திருப்பூர் மாநகராட்சியிலுள்ள 368 இறைச்சிக் கடைகளில், 26 கடைகள் எந்த அனுமதியுமின்றி, ஊரடங்கு காலத்திலும் இயங்கி வருவதாகவும், அந்த கடைகளை மூட நடவடிக்கை எடுக்க உத்தரவிட வேண்டும்" என கோரியிருந்தார்.
இந்த மனுவை விசாரித்த தலைமை நீதிபதி சஞ்ஜிப் பானர்ஜி, நீதிபதி செந்தில்குமார் ராமமூர்த்தி ஆகியோர் அடங்கிய அமர்வு, மனுவில் குறிப்பிட்டுள்ள 26 கடைகள் மட்டுமல்லாமல், மாநகராட்சியில் அனுமதியின்றி செயல்படும் அனைத்து கடைகளுக்கு எதிராகவும் நடவடிக்கை எடுக்க வேண்டும் என, திருப்பூர் மாநகராட்சிக்கு நீதிபதிகள் உத்தரவிட்டனர்.
மேலும், மனுவுக்கு பதிலளிக்க தமிழ்நாடு அரசுக்கும், திருப்பூர் மாநகராட்சிக்கும் உத்தரவிட்டு, விசாரணையை நான்கு வாரங்களுக்கு ஒத்திவைத்தனர்.
