திருப்பூர் மாவட்டம், பல்லடம்- பாரதிபுரத்தில் கரோனா தொற்று பாதித்தவர்களின் எண்ணிக்கை அதிகரித்ததைத் தொடர்ந்து அப்பகுதிக்குள் வெளியாட்கள் நுழையவும் அங்கிருக்கும் மக்கள் வெளியே செல்லவும் கூடாது என்று கட்டுப்பாடுகள் விதிக்கப்பட்டன.
இந்தச்சூழ்நிலையில், அங்கு இருக்கும் மக்கள் தங்களுக்கு அரசு உரிய நிவாரணம் வழங்கவில்லை எனக் கூறி, போராட்டத்தில் ஈடுபட்டனர். இதுகுறித்து தகவலறிந்து சம்பவ இடத்திற்கு விரைந்து வந்த பல்லடம் அதிமுக சட்டப்பேரவை உறுப்பினர் கரைப்புதூர் நடராஜன், மக்களுக்காக பணியாற்றுவதும், மக்களின் தேவைகளை நிறைவேற்றுவதுமே எனது பணி எனக் கூறி, அம்மக்களிடம் சமாதானப் பேச்சு வார்த்தையில் ஈடுபட்டார்.
பாரதிபுரம் பகுதி மக்களுக்கு நிவாரணம் வழங்கிய எம்.எல்.ஏ. கரைப்புதூர் நடராஜன்
24 மணி நேரத்தில் நிவாரண உதவிகள் செய்யப்படும் என அவர் உறுதியளித்ததையடுத்து அங்கிருந்த மக்கள் கலைந்துச் சென்றனர்.