போலி நகை கொடுத்து நூதன மோசடி!

திருப்பூர்: தாராபுரம் நகைக் கடையில் போலி நகைகளை கொடுத்து நூதன மோசடியில் ஈடுபட முயன்ற இரண்டு பெண்களை நகைக் கடை உரிமையாளர் காவல் துறையினரிடம் ஒப்படைத்தார்.

தாராபுரம் - பொள்ளாச்சி சாலையில் ராஜீ என்பவருக்கு சொந்தமான வி.கே.ஆர்.ஜுவல்லரி உள்ளது. இந்த கடைக்கு பர்தா அணிந்த இரண்டு பெண்கள் கை குழந்தையுடன் வந்து தங்களிடம் உள்ள பழைய தங்க நகையை மாற்றி புதிய நகை எடுக்க வேண்டும் என கூறியதோடு அந்த பெண்கள் பழைய தங்க சங்கிலி ஒன்றை கடை உரிமையாளரிடம் கொடுத்துள்ளனர்

அந்த நகையை சோதனையிட்ட கடை உரிமையாளர் ராஜூவும், கடை ஊழியர்களும் அந்த பெண்களுக்கு புதிய நகைகளை எடுத்து காட்டியுள்ளனர். அப்போது புதிய நகைகளை பார்ப்பது போல் நோட்டமிட்ட அந்த பெண்கள் தாங்கள் கொண்டுவந்த தங்க சங்கிலியை எடுத்து அவர்களுடைய பையில் போட்டுவிட்டு அதற்கு பதிலாக வேறு ஒரு செயினை அந்த இடத்தில் வைத்துள்ளனர்.

இதை கவனித்த கடை உரிமையாளர் அந்த பெண்களிடம் கேட்க முயன்ற பொழுது இரண்டு பெண்களில் ஒருவர் கடைக்குள் இருந்து தப்பயோடியுள்ளார், கடை உரிமையாளர் ஓடிய பெண்ணை விரட்டி சென்று பிடித்துவந்தனர். கடைக்குள் கைக்குழந்தையுடன் இருந்த மற்றொரு பெண்ணையும் பிடித்து தாராபுரம் போலிசாரிடம் ஒப்படைத்தார்.

இருவரையும் கைது செய்த காவல்துறையினர் வேறு பகுதிகளிலும் திருட்டு சம்பவங்களில் ஈடுபட்டுள்ளனரா என்பது குறித்து விசாரணை மேற்கொண்டு வருகின்றனர்.