விஷவாயு தாக்கி உயிரிழப்பு விவகாரம்; அரசு அலுவலர்கள் ஆய்வு!

கழிவு நீர் தேக்கத் தொட்டியை சுத்தம் செய்ய இறங்கிய நபர்களில் 3 பேர் விஷவாயு தாக்கி உயிரிழந்த நிலையில், சம்பவம் நடைபெற்ற சாயப்பட்டறை ஆலையில் அரசு அலுவலர்கள் இன்று ஆய்வு செய்தனர்.

திருப்பூர்:திருப்பூரின் பல்லடம் சாலை வித்யாலயம் அருகில் தனியார் சாயப்பட்டறை ஒன்று செயல்பட்டு வந்தது. இங்கு கடந்த ஞாயிற்றுக்கிழமை கழிவு நீர் தேக்கத் தொட்டியை சுத்தம் செய்யும் பணியில் வடிவேல், நாகராஜ், ராமகிருஷ்ணன் ஆகிய 3 பேர் ஈடுபட்டனர்.

இதில் தொட்டிக்குள் இறங்கிய வடிவேலுவுக்கு மூச்சுத் திணறல் ஏற்பட்டுள்ளது. உடனடியாக சத்தம் கேட்டு நிறுவன மேலாளர் தினேஷ்பாண்டியன், எலக்ட்ரீசியன் ராஜேந்திரன் ஆகியோர் அங்கு வந்து தொட்டிக்குள் இருந்தவர்களை காப்பாற்ற முயற்சித்துள்ளனர்.

சாயப்பட்டறையில் அரசு அலுவலர்கள் ஆய்வு

அப்போது விஷ வாயு அதிகமாகி வடிவேல், தினேஷ்பாண்டியன் ஆகியோர் சம்பவ இடத்திலேயே உயிரிழந்தனர். தகவலறிந்து சம்பவ இடத்துக்கு வந்த அக்கம்பக்கத்தினர், மீதமிருந்த உயிருக்குப் போராடிக் கொண்டிருந்த 3 பேரையும் மீட்டு மருத்துவமனையில் சிகிச்சைக்கு அனுமதித்தனர்.

இதில் ராஜேந்திரன் சிகிச்சை பலனின்றி உயிரிழந்தார். இந்த விபத்து தொடர்பாக வீரபாண்டி காவல்துறையினர் வழக்குப்பதிவு செய்து விசாரித்து வருகின்றனர். இந்நிலையில் சம்பவம் நடைபெற்ற சாயப்பட்டறையில் தொழிலக பாதுகாப்பு இயக்குனர் புகழேந்தி தலைமையிலான குழுவினர் இன்று (நவ.16) ஆய்வு மேற்கொண்டனர்.

ஆய்வு பணியில் ஈடுபட்ட அரசு அலுவலர்கள்

மருத்துவமனையில் சிகிச்சை பெற்றுவரும் இருவருக்கும் சாயப்பட்டறை நிர்வாகம் மருத்துவ செலவு செய்து வந்தது. தற்போது அவர்களுக்கான மருத்துவ செலவை ஏற்க முடியாது என சாயப்பட்டறை நிர்வாகம் கூறியுள்ளதாக தகவல் வெளியாகியுள்ளது.

இதனால் சிகிச்சை பெறுவோரின் உறவினர்கள் செய்வதறியாது தவித்து வருகின்றனர்.

இதையும் படிங்க:டெல்லியில் பெண்ணின் உடல் சிதைந்த நிலையில் கண்டெடுப்பு