திருப்பூர் மாவட்டம் அவிநாசியை அடுத்த ஈட்டிவீரம்பாளையம் பகுதியில் சேலம் - கோவை தேசிய நெடுஞ்சாலையில், இன்று (மார்ச்.22) அதிகாலை 3 மணி அளவில் ஒரே இருசக்கர வாகனத்தில் நான்கு பேர் வந்துள்ளனர். இந்நிலையில், சாலையோரம் நின்றுகொண்டிருந்த லாரியின் பின்புறம் இருசக்கர வாகனம் மோதி விபத்துக்குள்ளானது.
இதில், தலையில் பலத்த காயமடைந்து இருவர் சம்பவ இடத்திலேயே உயிரிழந்தனர். மேலும் இருவர் படுகாயமடைந்தனர். இதைக் கண்ட வாகன ஓட்டிகள் இது குறித்து உடனடியாக காவல் துறையினருக்கு தகவல் தெரிவித்தனர். தகவலறிந்து சம்பவ இடத்திற்கு விரைந்து வந்து உயிழந்த இருவரது உடல்களை உடற்கூராய்விற்காக திருப்பூர் அரசு மருத்துவமனைக்கும், படுகாயமடைந்த இருவரையும் சிகிச்சைக்காக அவிநாசி மருத்துவமனைக்கும் அனுப்பி வைத்தனர். இதையடுத்து, மருத்துவமனையில் சிகிச்சைப் பெற்று வந்த இருவரும் சிகிச்சைப் பலனின்றி உயிழந்தனர்.