மாட்டையும் மாஸ்க் அணியவைத்த நபர்!

திருப்பூர்: மாட்டு வண்டி ஓட்டிச் சென்றவர் மட்டுமல்லாது, மாடும் முகக்கவசம் அணிந்து சென்ற காட்சி சமூக வலைதளங்களில் வைரலாகியுள்ளது.

கரோனா வைரஸ் பரவலைத் தடுக்கும் வகையில் அனைவரும் வெளியே செல்லும்போது கட்டாயம் முகக்கவசம் அணிந்துவர வேண்டும் என மத்திய, மாநில அரசுகள் அறிவுறுத்தியுள்ளன.

இந்நிலையில், திருப்பூர் அவினாசி சாலை பங்களா ஸ்டாப் அருகே இன்று (ஜூன் 20) மதியம் மாட்டு வண்டியை ஓட்டிச் சென்ற நபர், மாட்டிற்கும் சாக்கு பை ஒன்றினை முகக்கவசம் போல அணியவைத்து வண்டியை ஓட்டிச் சென்றுள்ளார். இந்தக் காட்சியை அவ்வழியே சென்ற வாகன ஓட்டி ஒருவர் வீடியோ எடுத்துள்ளார். தற்போது அந்த வீடியோ சமூக வலைதளங்களில் வைரலாகிவருகிறது.