திருப்பூர் நாடாளுமன்ற தொகுதிக்குட்பட்ட திருப்பூர் தெற்கு சட்டப்பேரவை தொகுதியில் வாக்குப்பதிவில் ஈடுபடும் ஆசிரியர்களுக்கான பயிற்சி வகுப்பு இன்று தொடங்கியது. இதில் திருப்பூர் தெற்கு தொகுதிக்குட்பட்ட பள்ளிகளில் பணிபுரியும் ஆசிரியர்கள் கலந்துகொண்டனர்.
இந்த பயிற்சி வகுப்பை மாவட்ட ஆட்சியரும் மாவட்ட தேர்தல் நடத்தும் அலுவலருமான கே.எஸ்.பழனிசாமி தொடங்கி வைத்தார். இதன் பின்னர் ஆசிரியர்களுக்கு ஆலோசனைகளை வழங்கினார். இதையடுத்து தேர்தலில் புதிதாக அறிமுகப்படுத்தப்பட்டுள்ள, வாக்களிக்கும் சின்னத்தை காட்டக்கூடிய விவிபேட் இயந்திரத்தை கையாள்வது குறித்தும் பயிற்சிகள் வழங்கப்பட்டது.