ஓடும் பேருந்தில் திருடிய 3 பெண்கள் சிறையில் அடைப்பு

திருப்பத்தூர்: ஓடும் பேருந்தில் திருடிய 3 பெண்கள் சிறையில் அடைக்கப்பட்டனர்.

திருப்பத்தூர் மாவட்டம் நாட்றம்பள்ளி அருகே கிருஷ்ணகிரியில் இருந்து வேலூர் நோக்கி சென்ற அரசு பேருந்தில் பயணித்த பெண்ணிடம் 3 பெண்கள் நூதன முறையில் நகை, பணத்தை திருடினர்.

அப்போது பாதிக்கப்பட்ட பெண் கூச்சலிட்டார். உடனே பேருந்தில் நகை, பணத்தை போட்டுவிட்டு 3 பெண்களும் தப்ப முயன்றனர். தொடர்ந்து அவர்களை சக பயணிகள் பிடித்து காவல் நிலையத்தில் ஒப்படைத்தனர்.

விசாரணையில் பிடிப்பட்ட பெண்கள் குப்பம் பகுதியைச் சேர்ந்த பிரியா(25), சபீனா(28), ஜமுனா(30) ஆகியோர் என்பது தெரியவந்தது.

அதனைத் தொடர்ந்து மூன்று பேரையும் காவல் துறையினர் நீதிமன்றத்தில் ஆஜர்படுத்தி சிறையில் அடைத்தனர்.

ஏற்கனவே, இவர்கள் மீது ஆந்திரா, கர்நாடகா உள்ளிட்ட மாநிலங்களில் வழக்குகள் நிலுவையில் உள்ளது குறிப்பிடத்தக்கது.

இதையும் படிங்க: தொடர் திருட்டில் ஈடுபட்ட இருவர் கைது