திருப்பத்தூர் மாவட்டம், வாணியம்பாடி அருகே தமிழ்நாடு ஆந்திர எல்லை பகுதியில் அமைந்துள்ளது தும்பேரி ஊராட்சி. இந்த ஊராட்சிக்குள்பட்ட அண்ணாநகர் பகுதியில் சுமார் 60 ஆண்டுகளுக்கும் மேலாக 19 குடும்பத்தினர் மலை அடிவாரத்தில் வசித்து வருகின்றனர்.
இந்நிலையில் அந்த குடும்பங்களை சேர்ந்த சுமார் 100க்கும் மேற்பட்டவர்கள் பட்டா வழங்க வேண்டி, நேற்று (மே27) முன்தினம் உண்ணாவிரதப் போராட்டத்தை தொடங்கினார். அதைத் தொடர்ந்து 2 நாள்களாக உண்ணாவிரத போராட்டம் மேற்கொண்டனர்.
இந்த நிலையில், இன்று (மே29) காலை போராட்டம் செய்து வந்த இடத்திலேயே உணவு தயார் செய்து தமிழ்நாடு-ஆந்திரா செல்லும் சாலையில் அமர்ந்து உணவு உட்கொண்டு தங்கள் எதிர்ப்பை தெரிவித்தனர். விரைந்து வந்த வன துறையினர் மற்றும் காவல் துறையினர் போராட்டத்தில் ஈடுபட்டவர்களிடம் பேச்சுவார்த்தை நடத்தினர்.
பின்னர் சம்பவ இடத்திற்கு வந்த வாணியம்பாடி சட்டமன்ற தொகுதி அதிமுக உறுப்பினர் செந்தில்குமார் போராட்டக்காரர்கள் இடையே கோரிக்கைகளை கேட்டறிந்தார். அதைத் தொடர்ந்து வாணியம்பாடி துணை கண்காணிப்பாளர் சுரேஷ் பாண்டியன் தலைமையில் 50க்கும் மேற்பட்ட காவல்துறையினர் மற்றும் வாணியம்பாடி வருவாய் கோட்டாட்சியர் விஜயன் ஆகியோர், இது வனத்துறைக்கு சொந்தமான இடம் போராட்டத்தை கைவிட்டு கலைந்து செல்லும்படி தெரிவித்தனர்.