திருப்பத்தூர்:தைப்பூசத்தையொட்டி, வாணியம்பாடியில் உள்ள ஒரு தனியார் நிறுவனத்தின் மைதானத்தில் இலவச வேட்டி, சேலை தருவதாகக்கூறிய நிலையில், கடந்த 4 ஆம் தேதி திடீரென 1000-க்கும் அதிகமான பொதுமக்கள் ஒரே இடத்தில் அங்கு டோக்கன் வாங்குவதற்காகக் கூடியதால் பெரும் கூட்ட நெரிசல் ஏற்பட்டது.
இந்த கூட்ட நெரிசலில் சிக்கி 4 பெண்கள் பரிதாபமாக உயிரிழந்த சோகமும் நடந்தேறியது. மேலும், இதனிடையே 10-க்கும் மேற்பட்டோர் மயங்கியும் விழுந்தனர். இதனால், அப்பகுதியில் பெரும் சோகமும் பதற்றமும் ஏற்பட்டது. இதற்காக ஏற்பாடு செய்திருந்த ஐயப்பனை போலீசார் கைது செய்து தீவிர விசாரணை மேற்கொண்டு வருகின்றனர். இந்நிலையில், இதுவரையில் 14 பெண்கள் படுகாயம் அடைந்ததாக தகவல்கள் கூறுகின்றன.