திருப்பத்தூர்: திருப்பத்தூர் ஒன்றியத்திற்குட்பட்ட பூரிகாமணிமிட்டா ஊராட்சியில் மொத்தமுள்ள 1,159 நபர்களுக்குத் தடுப்பூசி செலுத்த இலக்கு நிர்ணயிக்கப்பட்டது. அதன்படி, பிச்சனூர் ஆரம்ப சுகாதார அலுவலர் பாஞ்சாலை தலைமையிலான அலுவலர்கள் 1,158 நபர்களுக்கு தடுப்பூசி செலுத்தி முடித்தனர்.
அதே பகுதியைச் சேர்ந்த குடியன் (65) என்பவர் மட்டும் தடுப்பூசி செலுத்திக்கொள்ள பயந்துள்ளார். அப்போது தனக்கு ரத்தக்கொதிப்பு, நீரழிவு உள்ளிட்ட நோய்கள் இருப்பதால், தனது எட்டு பிள்ளைகளின் வாழ்வுக்கு யார் பொறுப்பு என அலுவலர்களிடத்தில் அவர் வாக்குவாதத்தில் ஈடுபட்டார்.
அத்துடன் பல வருடங்களாக ஒரு ஜாதி சான்றிதழ் கேட்டும் இன்றுவரை கிடைக்கவில்லை, தனக்கு ஒரு வீடு கொடுக்க அரசாங்கம் முன்வரவில்லை என்றும் தனது ஆதங்கத்தை வெளிப்படுத்தியுள்ளார்.
தடுப்பூசி போட மறுத்த முதியவர் தொடர்பான காணொலி வைரல்