காதல் திருமணம்... இளம்பெண் தற்கொலை

வாணியம்பாடியில் காதல் திருமணம் முடிந்து 10 நாட்களே ஆன நிலையில் இளம்பெண் தற்கொலை செய்து கொண்ட சம்பவம் தொடர்பாக போலீசார் விசாரணை நடத்தி வருகின்றனர்.

திருப்பத்தூர்:ஆம்பூர் அடுத்த சான்றோர்குப்பத்தை சேர்ந்த வினித் என்ற இளைஞரும், வாணியம்பாடி காமராஜ்புரத்தை சேர்ந்த நிவேதா(21) என்ற இளம்பெண்ணும் தனியார் காலணி தொழிற்சாலையில் பணிபுரிந்தபோது காதலித்து வந்துள்ளனர். இவர்களின் காதலுக்கு இரு வீட்டார் தரப்பிலும் எதிர்ப்பு தெரிவித்த நிலையில் 10 நாட்களுக்கு முன்பு வீட்டை விட்டு வெளியேறி இருவரும் திருமணம் செய்து கொண்டனர்.

இதனையடுத்து, காதல் திருமணம் செய்த வினித்தும் நிவேதாவும் மறுவீடு அழைப்பிற்காக இன்று (நவ.9) நிவேதாவின் தாய் வீட்டிற்கு சென்றுள்ளனர். அப்பொழுது வீட்டில் யாரும் இல்லாத நேரத்தில் நிவேதா தற்கொலை செய்து கொண்டதாக கூறப்படுகிறது.

தற்கொலை எதற்கும் தீர்வல்ல..

இதுகுறித்து தகவலறிந்து சம்பவ இடத்திற்கு விரைந்த வாணியம்பாடி நகர காவல்துறையினர் நிவேதாவின் உடலை மீட்டு உடற்கூராய்வுக்காக வாணியம்பாடி அரசு மருத்துவமனைக்கு அனுப்பி வைத்தனர்.

மேலும், திருமணம் ஆன 10 நாட்களிலேயே இளம்பெண் உயிரிழந்தது குறித்து வாணியம்பாடி வருவாய் கோட்டாச்சியர் பிரேமலதா மற்றும் வாணியம்பாடி நகர காவல்துறையினர் விசாரணை மேற்கொண்டு வருகின்றனர்.

இதையும் படிங்க: 'லெஹங்கா' பிடிக்கவில்லை... திருமணத்தை நிறுத்திய மணப்பெண்!