திருப்பத்தூர் மாவட்டத்தில் 3 ஆயிரத்தும் மேற்பட்டோர் வீடுகளில் தனிமை!

திருப்பத்தூர்: திருப்பத்தூர் மாவட்டத்தில் புதிதாக 68 பேருக்கு கரோனா தொற்று உறுதியாகியுள்ளது. மூவாயிரத்துக்கும் மேற்பட்டோர் அவரவர் வீடுகளில் தனிமைப்படுத்தப்பட்டுள்ளனர்.

திருப்பத்தூர் மாவட்டத்தில் புதிதாக 68 பேர் கரோனா தொற்று பாதிப்பு காரணமாக மருத்துவமனையில் அனுமதிக்கப்பட்டுள்ளனர். இதன்மூலம் மாவட்டத்தில் இதுவரை கரோனா தொற்றால் பாதிக்கப்பட்டவர்களின் எண்ணிக்கை 4 ஆயிரத்து 275ஆக அதிகரித்துள்ளது.

மாவட்டத்தில் இதுவரை 3 ஆயிரத்து 587 பேர் கரோனா பாதிப்பிலிருந்து குணமடைந்து வீடு திரும்பியுள்ளனர். 80 பேர் சிகிச்சை பலனளிக்காமல் உயிரிழந்துள்ளனர்.

இதுவரை மாவட்டத்தில் 74 ஆயிரத்து 766 பேருக்கு கரோனா பரிசோதனை மேற்கொள்ளப்பட்டுள்ளது. இதில், 2 ஆயிரத்து 127 பேர் பரிசோதனை முடிவுக்காக காத்திருக்கின்றனர். மேலும் 3 ஆயிரத்து 597 பேர் அவரவர் வீடுகளில் தனிமைப்படுத்தப்பட்டுள்ளனர்.

இதையும் படிங்க: ஏடிஎம் இயந்திரத்தில் பணம் திருட முயற்சி: அபாய ஒலி ஒலித்ததால் தப்பியோடிய திருடர்கள்